اسلام آباد(مانیٹرنگ ڈیسک) بھارت کی جانب سے پاکستان کو سنگین نتائج کی دھمکیاں دینے والی مودی سرکار کو پاک فوج کی صورت میں اپنی موت صاف نظر آنے لگی ہے جس پر وہ بوکھلا کر اپنےا یک روز پہلے کے بیانات بھی بھول رہے ہیں اور ان کی آپس میں بیان بازیاں بھی ایک دوسرے میل نہیں کھا رہیں ۔ تازہ ترین بیان کے مطابق بھارتی وزیر اعظم نریندرا مودی نے کہا ہے کہ بھارت نے کبھی بھی کسی کی زمین پر حملہ نہیں کیا  اور نہ ہی ایسا کرنے کا ارادہ ہے ۔ بھارت کسی کی زمین کا بھوکا نہیں ہے ۔

تفصیلات کے مطابق پاکستان کو جنگ اور پانی بند کرنے کی دھمکیاں دینے والے بھارتی وزیراعظم نریند رمودی نے کہا ہے کہ بھارت نے کبھی کسی دوسرے ملک پر حملہ نہیں کیا اور نہ ہی وہ کسی دوسرے کی زمین کا بھوکا ہے ،ہزاروں بھارتیوں نے عالمی جنگوں کے دوران دوسروں کیلئے اپنی جانیں قربان کیں۔اتوار کو بھارتی میڈیاکے مطابق وزیراعظم نریندرمودی نے مہاتما گاندھی کے یوم پیدائش کے موقع پر ایک تقریب سے خطاب کرتے ہوئے مودی نے کہاکہ بھارت کبھی بھی زمین کا بھوکا نہیں رہا اور نہ ہی ہم نے کبھی کسی دوسرے ملک پر حملہ کیا ہے ۔انکا کہنا تھا کہ صر ف الفاظ سے نہیں بلکہ رویے سے ہماری ساکھ میں اضافہ ہوا ہے ہم وہ لوگ ہیں جو دوسروں کیلئے جیتے ہیں۔اس موقع پر وزیر خارجہ سشما سوراج اور جنرل وی کے سنگھ سمیت دیگر وزراء بھی موجود تھے ۔واضح رہے کہ مودی اس سے قبل واضح الفاظ میں بلوچستان اور بنگلہ دیش میں بھارت کی سرکاری سرپرستی اور مداخلت کا اعتراف کر چکے ہیں مگر اب اس قدر بوکھلا چکے ہیں کہ اپنے کہے ہوئے الفاظ بھی انہیں یاد نہیں ہیں ۔

موضوعات:سرجیکل سٹرائکس سرجیکل سٹرائکس کا دعویٰ مودی