ماسکو(مانیٹرنگ ڈیسک) روس سے تعلق رکھنے والی سرجن ڈاکٹر ’’ایلا‘‘ کے کارناموں نے دنیا میں بھر میں سب کو حیران کر دیا۔ تفصیلات کے مطابق روس کے ریزان سٹی ہسپتال سے تعلق رکھنے والی سرجن ڈاکٹر کی عمر 89 سال ہے اور وہ اب تک اپنے پروفیشنل کیریئر میں 10 ہزار سے زائد آپریشنز کر چکی ہیں۔ 89 سال کی عمر اور 68 سالہ سروس کے ساتھ 10 ہزار سے زائد آپریشن کرنے والی

اس خاتون سرجن کا حوصلہ ابھی بھی کم نہیں ہوا اور ان کا مستقبل میں بھی ریٹائرمنٹ کا کوئی پلان نہیں۔ ڈیلی میل کے مطابق ایلا کا اس بارے میں کہنا ہے کہ اگر وہ ریٹائرڈ ہو گئیں تو پیچیدہ اور اہم آپریشنز کون کرے گا۔ ایلا 86 سال کی عمر میں بھی بالکل صحیح اور مہارت کے ساتھ سرجریاں کرر ہی ہیں اور ان کے ساتھی ڈاکٹرز اپنی ضعیف خاتون ساتھی کے حوصلہ اور مہارت پر حیران ہیں۔ ایلا اب بھی ماسکو کے ریزان سٹی ہسپتال میں تقریباََ 4 سرجریاں روزانہ کرتی ہیں۔ ایلا کا قد 4 فٹ اور 9 انچ ہے جبکہ انہیں آپریشن کیلئے کھڑے ہونے میں دقت ہوتی ہے اسلئے ان کیلئے ایک مخصوص سٹیپ بنایا گیا ہے جس پر کھڑی ہو کر وہ سرجری کرتی ہیں۔

موضوعات:آپریشن ایلا روس سرجن ماسکو