اسلام آباد(مانیٹرنگ ڈیسک)گلوکارہ میشا شفیع کی جانب سے گلوکار و اداکار علی ظفر پر جنسی ہراسانی کے الزامات کے بعد ایک ہنگامہ مچا ہوا ہے اور اسی سلسلے میں دیگر اداکاراؤں اور شوبز شخصیات نے بھی ہراسانی کے معاملے پر بولتے ہوئے کئی انکشافات کئے ہیں جبکہ اداکارہ میرا نے بھی میدان میں انٹری دیتے ہوئے فلم انڈسٹری میں جنسی استحصال پر کتاب لکھنے کا فیصلہ کیا ہے۔

میڈیا ذرائع سے گفتگو کرتے ہوئے اداکارہ میرا نے جنسی ہراسگی کے معاملے پر بات کرتے ہوئے کہا کہ یہ معمول کی بات ہے جبکہ بالی ووڈ اور لالی ووڈ میں اداکاراؤں کے ساتھ جنسی زیادتیاں بھی ہوئیں۔فلم انڈسٹری میں میرے ساتھ بھی بہت کچھ ہوا اور میں سب کے پول کھولوں گے۔ میرا نے جنسی ہراساں کرنے کے معاملے پر کتاب لکھنے کا فیصلہ کرتے ہوئے کہا کہ فلم انڈسٹری میں ہر لڑکی کو بلیک میل کر کے زیادتی کا نشانہ بنایا جاتا ہے اور یہاں خواتین کے ساتھ وہ کچھ ہوتا جو ناقابل بیان ہے اور یہی وجہ ہے کہ اچھی فیملی سے تعلق رکھنے والی لڑکیاں اس شعبے میں آنا پسند نہیں کرتیں۔فلمی اداکارہ نے مزید کہا کہ اپنی کتاب میں سب کے پول کھولوں گی اور جو راز میرے سینے میں دفن ہیں سب اپنی کتاب کے ذریعے سامنے لاکر لوگوں کے چہرے بے نقاب کروں گی جو بہت شریف بنتے ہیں۔ میرا نے سخت برہمی کا اظہار کرتے ہوئے کہا کہ جب میرا منہ کھلے گا پھر سب کے منہ بند ہوجائیں گے اور لوگوں کے سامنے تمام حقائق آئیں گے۔ میرا نے کہا کہ شوبز کے علاوہ زندگی کے مختلف شعبوں میں بھی یہ سلسلہ بہت پرانا ہے۔مگراب سوشل میڈیا کی بدولت خواتین کوآواز بلند کرنے کا ایک بہترین سہارا میسر آچکا ہے اوراب اس سے خواتین کو بہت فائدہ پہنچے گا۔میرا نے سخت برہمی کا اظہار کرتے ہوئے کہا کہ جب میرا منہ کھلے گا پھر سب کے منہ بند ہوجائیں گے اور لوگوں کے سامنے تمام حقائق آئیں گے۔ میرا نے کہا کہ شوبز کے علاوہ زندگی کے مختلف شعبوں میں بھی یہ سلسلہ بہت پرانا ہے۔مگراب سوشل میڈیا کی بدولت خواتین کوآواز بلند کرنے کا ایک بہترین سہارا میسر آچکا ہے اوراب اس سے خواتین کو بہت فائدہ پہنچے گا۔

موضوعات:جنسی ہراسانی میرا