کراچی (این این آئی)انٹر بینک اور مقامی اوپن کرنسی مارکیٹ میں گذشتہ ایک ہفتے کے دوران روپے کے مقابلے ڈالر کی قدرمیں کمی کا رجحان رہا جس کی وجہ سے ڈالر کی قدر153روپے سے گھٹ کر152روپے پر آ گئی۔فاریکس ایسوسی ایشن آف پاکستان کی رپورٹ کے مطابق گذشتہ ہفتے انٹر بینک میں

روپے کے مقابلے ڈالر کی قدر میں75پیسے کی کمی واقع ہوئی جس سے ڈالر کی قیمت خرید 153.60روپے سے کم ہو کر152.85روپے اور قیمت فروخت153.70روپے سے کم ہو کر152.95روپے ہو گئی اسی طرح مقامی اوپن کرنسی مارکیٹ میں ڈالر کی قدر میں70پیسے کی کمی واقع ہوئی جس سے ڈالر کی قیمت خرید 153.60روپے سے گھٹ کر152.80روپے اور قیمت فروخت153.90روپے سے گھٹ کر 153.20روپے پر آ گئی ۔فاریکس رپورٹ کے مطابق یورو کی قدر میں ایک ہفتے کے دوران 1.70روپے کا اضافہ ہوا جس سے یورو کی قیمت خرید 179.50روپے سے بڑھ کر181روپے اور قیمت فروخت181.30روپے سے بڑھ کر183روپے ہو گئی تاہم 3روپے کی نمایاں کمی سے برطانوی پونڈ کی قیمت خرید 211.50روپے سے کم ہو کر 208.50روپے اور قیمت فروخت 213.50روپے سے کم ہو کر210.50روپے پر آ گئی ۔فاریکس رپورٹ کے مطابق ہفتہ کو مقامی اوپن کرنسی مارکیٹ میں ڈالراور برطانوی پونڈ کی قدر مستحکم رہی تاہم یورو کی قدر میں30پیسے کی کمی واقع ہوئی ۔

موضوعات:ڈالر