نرس پر اسرار طو رپر جاں بحق

لاہور( این این آئی)سروسز ہسپتال کے نرسنگ میں رہائش پذیر نرس پر اسرار طو رپر جاں بحق ہو گئی ۔

متوفیہ کی شناخت 33 سالہ سونیا کے نام سے ہوئی جو آپریشن تھیٹر میں بطور نرس فرائض سر انجام دے رہی تھی ۔

اطلاع ملنے پر پولیس اورفرانزک ماہرین کی ٹیمیں موقع پر پہنچ گئیں جنہوں نے شواہد اکٹھے کرنے کے بعد لاش کو مردہ کانے منتقل کر دیا ۔

پولیس کے مطابق واقعے کی ہر پہلو سے تفتیش کی جارہی ہے ۔ بتایاگیا ہے کہ بظاہر موت نشے کی زیادتی کی وجہ سے ہوئی ۔

متوفیہ کی لاش کے قریب سے انجکشن بھی برآمد ہوئے ہیں۔سروسز ہسپتال کے ہاسٹل سے نرس کی لاش ملنے کے واقعہ پر وزیر اعلی پنجاب حمزہ شہباز شریف نے سی سی پی او لاہور سے رپورٹ طلب کر لی ہے۔

وزیر اعلیٰ نے ہدایت کی کہ واقعہ کی ہر پہلو سے تحقیقات کر کے جامع انکوائری رپورٹ پیش کی جائے اورتمام حقائق سامنے لائے جائیں۔

موضوعات:نرس