ممبئی (نیوز ڈیسک) بالی ووڈ اداکار شاہد کپور کی شادی میں شرکت کیلئے پانچ سو مہمان مدعو کئے گئے ہیں۔ شاہد اور میرا راجپوت کی شادی کے دعوت نامے تیار کرنے والے رویش کپور نے میڈیا سے بات چیت کرتے ہوئے کہا ہے کہ کارڈ کا ڈیزائن، اس کا رنگ اور کارڈ کے ہمراہ دیئے جانے والے تحائف وغیرہ شاہد کپور کی اپنی پسند تھی۔ شاہد کپور کے والد پنکج کپور چائے کے شوقین ہیں، اس لئے شاہد نے شادی کے دعوت نامے کے ہمراہ خوبصورت پیکنگ میں چائے کا تحفہ بھی مہمانوں کو بھیجا تھا۔ رویش کے مطابق شاہد اپنی شادی کے حوالے سے بے حد پرجوش ہیں اور انہوں نے اپنی نگرانی میں اس امر کو یقینی بنایا کہ فہرست کے مطابق تمام مہمانوں کو کارڈز پہنچیں ، ان کی نگرانی میں پانچ سو مہمان مدعو کئے گئے ہیں