اسلام آباد(مانیٹرنگ ڈیسک)آزادکشمیر میں آنے والے شدید زلزلے کے باعث وزیر اعظم آزاد کشمیر راجہ فاروق حیدر اپنا دورہ لاہورمختصر کرکے واپس روانہ ہوگئے،نجی ٹی وی کے مطابق آزاد کشمیر، اسلام آباد اور پنجاب میں آنے والے شدید زلزلے کے بعد لاہور میں موجود راجہ فاروق حیدر اپنا دورہ مختصر کرکے

واپس میر پور روانہ ہوگئے ۔ راجہ فاروق حیدر نے بتایا کہ آزاد کشمیر کے ہسپتالوں میں ایمرجنسی نافذ کردی گئی ہے اور این ڈی ایم اے کی ٹیمیں بھی آزاد کشمیر پہنچ رہی ہیں۔یاد رہے وزیر اعظم آزاد کشمیر راجہ فاروق حیدر لاہور میں مقبوضہ کشمیر کی صورتحال پر ہونے والے مباحثے میں شرکت کیلئے آئے تھے۔

موضوعات:فاروق حیدر