اسلام آباد(مانیٹرنگ ڈیسک)الیکشن کمیشن نے کیپٹن (ر)صفدراورمریم نوازکے حلقوں سے بیلٹ پیپرزکی چھپائی روکنے کی ہدایت جاری کر دی ۔الیکشن کمیشن ذرائع کے مطابق الیکشن کمیشن نے ہدایت جاری کی ہے کہ این اے 127 اور این اے 14 کے بیلٹ پیپرز تاحکم ثانی نہ چھاپے جائیں۔امیدواروں کی حتمی فہرست سے بھی مریم نوازاورکیپٹن (ر)صفدرکے نام نکالنے کی ہدایت جاری کی گئی ہے۔

دونوں حلقوں کے بیلٹ پیپرزعدالتی حکم نامہ موصول ہونے کے بعد چھپوائے جائیں گے۔ذرائع الیکشن کمیشن کا کہنا ہے کہ ملک بھرکے حلقوں کے 30 فیصد سے زائد بیلٹ پیپرزکی چھپائی مکمل ہو گئی ہے۔یکم جولائی سے بیلٹ پیپرز کی چھپائی کا عمل شروع ہوا تھا جو 20 جولائی تک مکمل کر لیا جائے گا۔

موضوعات:الیکشن کمیشن