اسلام آباد (مانیٹرنگ ڈیسک)کراچی ڈرامہ انڈسٹری کی معروف اداکاراہ فضا علی کی ننھی بیٹی کپتان کی مداح نکلیں، ٹی وی پر عمران خان کی تقاریر اور پروگرامز دیکھ کر کپتان سے ملنے کی خواہش کا اظہار کر دیا، کپتان نے ننھی بچی کی خواہش پر ملاقات کی اور پیار اور ڈھیروں دعائوں سے نوازا۔ تفصیلات کے مطابق کراچی ڈرامہ انڈسٹری کی معروف اداکارہ فضا علی کی ننھی بیٹی بھی کپتان کی مداح ہیں ، چھوٹی سی بچی کپتان کی ٹی وی پر تقاریر اور پروگرامز دیکھ کر ان کی مداح بن بیٹھی۔ والدہ سے کپتان سے ملنے کی بار بار خواہش کا اظہار کرنے پر اداکارہ فضا علی نے تحریک انصاف کے

رہنمائوں سے درخواست کی کہ ان کی بیٹی کپتان کی مداح ہے اور ان سے ملنا چاہتی ہے جس پر مقامی رہنمائوں نے فضا علی اور ان کی بیٹی کی عمران خان سے ملاقات ارینج کروا دی۔ ملاقات میں عمران خان نے فضا علی کو ٹی وی کی بہترین اداکارہ قرار دیتے ہوئے ان کی کامیابی کیلئے نیک خواہشات کا اظہار بھی کیا جبکہ فضا علی کی ننھی بیٹی کو پیار اور ڈھیروں دعائوں سے نوازا۔ فضا علی اور ان کی بیٹی کی کپتان سے ملاقات کی تصاویر سوشل میڈیا پر وائرل ہو چکی ہیں جن میں دیکھا جاسکتا ہےکہ کپتان فضا علی کی ننھی بیٹی کے سر پر ہاتھ رکھ کر اسے پیار اور دعائوں سے نواز رہے ہیں۔

موضوعات:عمران خان فضا علی فضا علی بیٹی