اسلام آباد (مانیٹرنگ ڈیسک) الیکشن کمیشن کا مسلم لیگ (ن) کا انتخابی نشان روکنے پرغور۔ تفصیلات کے مطابق سابق وزیراعظم میاں محمد نواز شریف کی نا اہلی کے بعد مقررہ وقت پر مسلم لیگ (ن) اپنا باضابطہ صدر منتخب کرنے میں ناکام ہو چکی ہے۔ واضح رہے کہ الیکشن کمیشن نے سابق وزیراعظم میاں محمد نوازشریف جو کہ پارٹی صدر بھی تھے کی نا اہلی کے بعد مسلم لیگ (ن) کو نیا پارٹی صدر منتخب کرنے کا حکم دیا تھا۔ اسی وجہ سے الیکشن کمیشن

کی طرف سے اب مسلم لیگ (ن) کا انتخابی نشان روکنے سمیت مختلف آپشنز پرغور شروع کر دیا گیا ہے۔ الیکشن کمیشن نے اس سلسلے میں مسلم لیگ (ن) کے چیئرمین راجہ ظفرالحق کو 8 اگست 2017ء کو خط لکھا تھا۔ مسلم لیگ (ن) کے پارٹی آئین کے مطابق 45 روز میں باضابطہ صدر کا انتخاب کیا جانا ضروری تھا لیکن ایسا نہ ہو سکا۔ مسلم لیگ (ن) پارٹی آئین کے مطابق 11 ستمبر 2017ء تک پارٹی صدر منتخب کرنے کی پابند تھی مگر وہ ایسا کرنے میں ناکام رہی۔

موضوعات:انتخابی نشان