لاہور ( این این آئی) عدلیہ مخالف بیان بازی کرنے پر سابق وزیر اعظم نواز شریف اور وزیر اعلیٰ پنجاب محمد شہباز شریف سمیت 16لیگی اراکین اسمبلی کی نااہلی اور ان کے خلاف توہین عدالت کی کارروائی کے لئے لاہور ہائیکورٹ میں ترمیمی درخواست دائر کردی گئی۔شہری آمنہ ملک نے اظہر صدیق ایڈووکیٹ کے توسط سے دائر درخواست میں نواز شریف،شہباز شریف، خواجہ سعد رفیق ،خواجہ آصف، اسحاق ڈارسمیت 16اراکین

اسمبلی کو فریق بناتے ہوئے موقف اختیار کیا ہے کہ 16اراکین پارلیمنٹ نے پانامہ کیس کے فیصلے سے پہلے اور بعد میں مسلسل عدلیہ مخالف بیان بازی کی جو کہ وا ضح طور پر توہین عدالت ہے۔پٹیشن میں فریق بنائے گئے اراکین پارلیمنٹ عدلیہ مخالف بیان بازی کے ذریعے آئین کے آرٹیکل 62اور 63کی خلاف ورزی کے مرتکب ہوئے ہیں، ان اراکین پارلیمنٹ کی نااہلی کیلئے متعلقہ فورم چیئرمین سینٹ،، سپیکر قومی و صوبائی اسمبلی سے بھی رجوع کیا گیا مگر درخواست گزار کی درخواستیں رد کر دی گئیں۔

موضوعات:16لیگی اراکین شہباز شریف نواز شریف