کراچی(این این آئی)ایم کیو ایم کے سابق بانی رہنما سلیم شہزاد نے نئی سیاسی جماعت بنانے کا اعلان کیا ہے۔ہفتہ کو کراچی میں انسداد دہشتگردی کی عدالت کے باہر میڈیا سے بات چیت کرتے ہوئے سلیم شہزاد نے کہا کہ وہ کراچی میں امن، بہتر مستقبل اور صحت و صفائی کے لیے اپنا کردار ادا کرنے آئے تھے، اپنی سیاسی جماعت بنانے کا مقصد عوام کی خدمت کرنا ہے اور اس سلسلے میں پارٹی کے کارکنوں اور رہنماں سے رابطے میں ہیں،

جلد کارکنوں کے ساتھ مل کرلائحہ عمل کااعلان کیاجائے گا۔انہوں نے کہا کہ وہ ایم کیو ایم پاکستان کی موجودہ قیادت میں سب سے سینیئر ہیں، اس لئے فاروق ستار یا کسی اور سے نہیں ملیں گے، اگر کسی کو ملنا ہے تو وہ ان کے پاس خود چل کر آئے پھر بات ہوگی۔جے آئی ٹی کے حوالے سے پوچھے گئے سوال کے جواب میں انہوں نے کہاکہ نواز شریف کو استعفیٰ نہیں دیناچاہئے سپریم کورٹ کے فیصلے کا انتظار کیا جانا چاہیے۔

موضوعات:ایم کیو ایم سلیم شہزاد نئی سیاسی جماعت