اسلام آباد(مانیٹرنگ ڈیسک) یونس خان کا وزیراعظم نواز شریف کی جانب سے ملنے والی انعامی رقم ایدھی فائونڈیشن اورانڈس ہسپتال ٹی سی ایف میں برابر تقسیم کرنے کا اعلان۔ تفصیلات کے مطابق پاکستان قومی کرکٹ ٹیم کے سابق کپتان یونس خان نے وزیراعظم نواز شریف کی جانب سےملنے والی انعامی رقم 10لاکھ روپے ایدھی فائونڈیشن اور انڈس ہسپتال ٹی سی ایف میں برابر تقسیم کرنے کا اعلان کر دیا ہے۔ اس حوالے سے انہوں

نے درخواست کی ہے کہ ٹیکس کٹوتی کے بغیر یہ رقم ادا کی جائے تاکہ پاکستان کے شہری اس سے استفادہ حاصل کر سکیں۔ واضح رہے کہ وزیراعظم پاکستان نواز شریف کی جانب سے چیمپئنز ٹرافی کی فاتح ٹیم کے کھلاڑیوں اور یونس خان سمیت چار سینئر کھلاڑیوں جن میں انضمام الحق، مصباح الحق اور شاہد آفریدی کیلئے دس دس لاکھ روپے کی خصوصی انعامی رقم کیساتھ صدارتی تمغہ برائے حسن کارکردگی کا بھی اعلان کیا تھا۔

موضوعات:انعامی رقم یونس خان