اسلام آباد(مانیٹرنگ ڈیسک) نجی ٹی وی چینل ARYنیوز کے پروگرام میں گفتگو کرتے ہوئے اینکر پرسن نےعمران خان سے سوال کیا کہ اگر آپ وزیر اعظم بن گئے اور فوج نے آپ کو کام نہیں کرنے دیا تو آپ کیا کریں گے؟سوال کا جواب دیتے ہوئے تحریک انصاف کے سربراہ عمران خان نے کہا کہ میں وزیر اعظم تو نہیں بنا البتہ دس پاکستانی کرکٹ ٹیم کا کپتان رہا ہوں۔ ان دس سالوں میں نے از خود دو بار استعفیٰ دیا۔

جب مجھے میچ جیتنے کیلئے میرے مطلوبہ کھلاڑی نہیں دیئے گئے تو میں نے یہ کہہ کر استعفیٰ دیدیا کہ میں ڈیلیور نہیں کر سکتا اس لئے آپ کسی اور کو کپتان بنا دیں۔ عمران خان نے کہا کہ جب آپ ڈیلیور نہ کر سکیں تو یہ نہیں کہہ سکتے کہ مجھے فلاں نے نہیں کرنے دیا۔ آپ کو ڈیلیور کرنا پڑتا ہے، اگر نہیں ڈیلیور کریں گے تو پیچھے ہٹ جائیں۔

موضوعات:عمران خان وزیر اعظم