سام بوڈیانو (این این آئی) سرے کے علاقے ورپسلیڈن سے تعلق رکھنے والے سام بوڈیانو نے کرکٹ میں طویل ترین بولنگ رن اپ کا ریکارڈ بنانے کی کوشش کی ہے۔

سام بوڈیانو نے شمالی لندن کے لارڈز کرکٹ گرانڈ سے دوڑ کا آغاز کیا اور تقریبا 14 گھنٹے میں 62 میل یعنی 100 کلومیٹر کا فاصلہ طے کرکے اتوار کو وکنگ کے ویلی اینڈ کرکٹ کلب پہنچے۔ وہاں انہوں نے میچ کی پہلی گیند اپنے والد کو کرائی۔ اس منفرد چیلنج کے ذریعے کینسر چیریٹی دی روتھ اسٹراس فانڈیشن کے لیے تقریبا 6 ہزار پانڈز جمع کیے گئے۔ریکارڈ کی شرائط پوری کرنے کے لیے سام کو مکمل کرکٹ لباس پہن کر اور ہاتھ میں گیند تھامے مسلسل دوڑنا تھا جبکہ اختتامی گیند کے بعد میچ میں بھی حصہ لینا ضروری تھا تاہم گنیز ورلڈ ریکارڈز نے کامیابی کی حتمی تصدیق نہیں کی۔ادارے کے مطابق شواہد کا جائزہ مکمل ہونے میں تقریبا دو ہفتے لگ سکتے ہیں۔موجودہ ریکارڈ ٹام ڈن کے پاس ہے جنہوں نے 2024 میں 24 کلومیٹر دوڑ کر یہ اعزاز حاصل کیا تھا۔