اسلام آباد(نیوز ڈیسک)انگلینڈ کے دورے میں قومی ٹیم کی ناقص کارکردگی کے بعد پاکستان کرکٹ بورڈ نے اسکواڈ میں تبدیلیاں شروع کردیں،
اسی دوران سلیکشن کمیٹی کے رکن مصباح الحق نے اپنے عہدے سے استعفیٰ دے دیا۔
ذرائع کے مطابق سابق کپتان اور سلیکشن کمیٹی کے رکن مصباح الحق نے اپنا استعفیٰ پاکستان کرکٹ بورڈ (پی سی بی) کو ارسال کردیا ہے۔
ذرائع کا کہنا ہے کہ مصباح الحق نے انگلینڈ کے دورے کے لیے اسکواڈ منتخب کرنے کے عمل میں ان سے مشاورت نہ کیے جانے پر عہدہ چھوڑنے کا فیصلہ کیا۔
دوسری جانب قومی ٹیم کی ناقص کارکردگی کے بعد اسکواڈ میں نمایاں ردوبدل کیا گیا ہے اور 7 کھلاڑیوں کو وطن واپس بھیجنے کا فیصلہ کیا گیا۔
وطن واپس روانہ کیے جانے والے کھلاڑیوں میں محمد رضوان، سلمان علی آغا اور امام الحق سمیت دیگر کھلاڑی شامل ہیں۔
قومی ٹیم کے دورہ انگلینڈ میں کارکردگی پر سامنے آنے والی تنقید کے بعد ٹیم مینجمنٹ اور اسکواڈ میں ہونے والی تبدیلیوں نے پاکستان کرکٹ میں نئی بحث کو جنم دے دیا ہے۔
