ڈارون (این این آئی)آسٹریلیا کے فاسٹ بولر جوش ہیزل ووڈ نے بنگلادیش کے خلاف ڈارون ٹیسٹ میں شاندار کارکردگی کا مظاہرہ کرتے ہوئے ٹیسٹ کرکٹ میں 300 وکٹیں مکمل کرلیں۔

وہ یہ اعزاز حاصل کرنے والے آسٹریلیا کے نویں بولر بن گئے ہیں۔ ہیزل ووڈ نے میچ میں اپنے کیریئر کی 14ویں پانچ وکٹوں کی اننگز بھی مکمل کی۔ہیزل ووڈ آسٹریلیا کے موجودہ کھلاڑیوں نیتھن لیون، پیٹ کمنز اور مچل اسٹارک کے ساتھ 300 ٹیسٹ وکٹوں کے کلب میں شامل ہوگئے۔یہ ٹیسٹ کرکٹ کی تاریخ کا واحد بولنگ اٹیک ہے جس کے چاروں ارکان 300 سے زائد وکٹیں حاصل کرچکے ہیں۔35 سالہ ہیزل ووڈ نے انجری کے باعث آسٹریلیا کے آخری 14 ٹیسٹ میں سے صرف چھ میچز کھیلے تھے اور گزشتہ 12 ماہ سے ٹیسٹ کرکٹ سے دور تھے۔

بنگلادیش کے خلاف پہلے ٹیسٹ میں انہیں اسکاٹ بولینڈ پر ترجیح دی گئی اور انہوں نے اعتماد کو درست ثابت کیا۔ہیزل ووڈ نے بنگلادیش کے خلاف پہلی اننگز میں 6 وکٹیں حاصل کیں جن میں تنزید حسن، مومن الحق، نجم الحسن شانتو، حسن محمود، تاج الاسلام، مہدی حسن میراز اور عبادت حسین کی وکٹ شامل تھی۔