اسلام آباد(نوز ڈیسک) ذرائع کے مطابق ارشد ندیم بیرونِ ملک ٹریننگ کے باعث 21 اگست کو ہونے والے لوزین ڈائمنڈ لیگ کے مقابلے میں حصہ نہیں لیں گے۔

ان کا نام ابتدائی انٹری لسٹ میں شامل تھا، تاہم اب انہوں نے ایونٹ کے بجائے تربیتی کیمپ پر توجہ دینے کا فیصلہ کیا ہے۔ارشد ندیم کامن ویلتھ گیمز کے بعد جنوبی افریقہ کے شہر پوچفسٹروم میں تقریباً دو ہفتے ٹریننگ کریں گے۔ اس کے بعد وہ 6 سے 14 ستمبر تک بوڈاپسٹ میں شیڈول ورلڈ ایتھلیٹکس الٹی میٹ چیمپئن شپ میں پاکستان کی نمائندگی کریں گے، جبکہ آئندہ ایشیئن گیمز بھی ان کے اہم مقابلوں میں شامل ہیں۔

ذرائع کا کہنا ہے کہ ارشد ندیم اس سے قبل بھی جنوبی افریقہ میں دو مرتبہ تربیت حاصل کرچکے ہیں۔ ویزا موصول ہونے کے بعد وہ پہلی دستیاب پرواز کے ذریعے جنوبی افریقہ روانہ ہوں گے۔واضح رہے کہ ارشد ندیم اس وقت لاہور کے پنجاب اسٹیڈیم میں اپنی تیاریوں میں مصروف ہیں اور آئندہ بین الاقوامی مقابلوں کے لیے بھرپور ٹریننگ جاری رکھے ہوئے ہیں۔