لندن (این این آئی)دی ہنڈرڈ 2026 میں لارڈز کے میدان پر لندن اسپرٹ اور ایم آئی لندن کے درمیان میچ کے دوران ول جیکس کے شاندار کیچ نے شائقین کو حیران کردیا۔
ان کے اس کیچ کی ویڈیو سوشل میڈیا پر تیزی سے وائرل ہو گئی اور اسے ٹورنامنٹ کے بہترین کیچز میں شمار کیا جا رہا ہے،پہلی اننگز کی 49ویں گیند پر نصف سنچری مکمل کرنے والے لوہان ڈری پریٹوریئس نے لانگ آف کی جانب بلند شاٹ کھیلا۔بانڈری پر موجود ول جیکس نے زبردست جمپ لگاتے ہوئے پہلے گیند کو بانڈری کے باہر جانے سے روک کر اندر کی جانب واپس پھینک دیا اور اس دوران اس بات کا بھی خیال رکھا کہ ان کا پاں بانڈری لائن کو نہ چھوئے پھر پھرتی کے ساتھ دوبارہ میدان میں آ کر لمبی ڈائیو کے ساتھ ایک ہاتھ سے شاندار کیچ مکمل کیا۔ان کے اس کیچ پر نہ صرف شائقین بلکہ کمنٹیٹرز بھی حیران رہ گئے اور اسے ایک ناقابل یقین کیچ قرار دیا۔
