اسلام آباد (نیوز ڈیسک) بھارتی کرکٹر یشسوی جیسوال اور بالی ووڈ اداکارہ مرنال ٹھاکر ایک مرتبہ پھر سوشل میڈیا پر زیرِ بحث آ گئے ہیں،

جہاں دونوں کے درمیان ممکنہ تعلقات سے متعلق قیاس آرائیاں تیزی سے پھیل رہی ہیں۔میڈیا رپورٹس کے مطابق دونوں شخصیات کو ممبئی کے علاقے باندرہ ویسٹ میں واقع ایک کیفے میں تقریباً ایک ہی وقت پر دیکھا گیا۔ اس موقع کی ایک ویڈیو بھی سوشل میڈیا پر وائرل ہوئی، جس میں یشسوی جیسوال کیفے سے باہر آتے ہوئے جبکہ مرنال ٹھاکر اندر موجود نظر آتی ہیں۔اگرچہ ویڈیو میں دونوں کے درمیان کسی قسم کی قربت یا نجی گفتگو دکھائی نہیں دیتی، تاہم ایک ہی مقام پر ان کی موجودگی نے مداحوں کے درمیان نئی بحث چھیڑ دی۔ متعدد فین پیجز نے دعویٰ کیا کہ دونوں ایک دوسرے کو ڈیٹ کر رہے ہیں، جبکہ کئی سوشل میڈیا صارفین نے ان قیاس آرائیوں کو بے بنیاد قرار دیتے ہوئے کہا کہ محض ایک ہی جگہ موجود ہونا کسی تعلق کا ثبوت نہیں سمجھا جا سکتا۔بعض صارفین کا کہنا ہے کہ ممکن ہے دونوں کسی اشتہاری منصوبے، پیشہ ورانہ ملاقات یا کسی اور مصروفیت کے باعث ایک ہی مقام پر موجود ہوں۔

اب تک نہ یشسوی جیسوال اور نہ ہی مرنال ٹھاکر نے ان خبروں پر کوئی تبصرہ کیا ہے، اور دونوں کی جانب سے کسی بھی قسم کے تعلق کی تصدیق یا تردید سامنے نہیں آئی۔دوسری جانب سوشل میڈیا پر دونوں کی عمر کے فرق پر بھی گفتگو جاری ہے۔ مرنال ٹھاکر اس وقت 33 برس کی ہیں، جبکہ یشسوی جیسوال کی عمر 24 سال ہے، یعنی دونوں کے درمیان تقریباً 9 سال کا فرق موجود ہے۔واضح رہے کہ اس سے قبل رواں سال مرنال ٹھاکر کا نام جنوبی بھارتی فلم انڈسٹری کے اداکار دھنوش کے ساتھ بھی جوڑا گیا تھا، تاہم دونوں فنکاروں نے ان خبروں کو مسترد کرتے ہوئے انہیں محض افواہیں قرار دیا تھا۔

Yashasvi Jaiswal dating Mrunal Thakur?😳 pic.twitter.com/dnr4FNSaEc

— Wickets Hitting (@offpacedelivery) July 26, 2026