اسلام آباد (نیوز ڈیسک) آسٹریلیا کے خلاف میچ میں ون ڈے کرکٹ میں ڈیبیو کرنے والے پاکستانی باؤلر عرفات منہاس نے 5 وکٹیں لے کر تاریخ رقم کر دی۔

عرفات منہاس نے راولپنڈی میں پاکستان کے ایک ہزارویں ون ڈے میچ میں ڈیبیو کیا اور اس تاریخی میچ میں شاندار بولنگ کرتے ہوئے 5 وکٹیں حاصل کیں۔

عرفات منہاس ون ڈے کرکٹ میں ڈیبیو پر 5 وکٹیں لینے والے پاکستان کی تاریخ کے پہلے بولر بن گئے ہیں۔ اسپنر عرفات منہاس نے 10 اوورز میں 52 رنز دے کر 5 وکٹیں حاصل کیں۔ عرفات منہاس سے پہلے فاسٹ بولر ذاکر خان نے 1984 میں ڈیبیو پر 19 رنز دے کر 4 وکٹیں حاصل کی تھیں۔

عرفات منہاس کی شاندار باؤلنگ کی بدولت آسٹریلیا کی پوری ٹیم 45ویں اوور میں 200 رنز بنا کر آؤٹ ہو گئی۔