اسلام آباد (نیوز ڈیسک)پاکستان کرکٹ بورڈ نے آسٹریلیا کے خلاف تین ایک روزہ میچوں کی سیریز کے لیے 16 رکنی قومی اسکواڈ کا اعلان کر دیا ہے،
جس کی قیادت فاسٹ بولر شاہین شاہ آفریدی کریں گے۔پی سی بی کے مطابق سلمان علی آغا کو نائب کپتان مقرر کیا گیا ہے، جبکہ سینئر کھلاڑی بابر اعظم، نسیم شاہ، شاداب خان اور سفیان مقیم کی ٹیم میں واپسی ہوئی ہے۔
وکٹ کیپر بیٹر محمد رضوان کو اس بار اسکواڈ کا حصہ نہیں بنایا گیا۔ ان کی جگہ محمد غازی غوری اور روحیل نذیر کو ٹیم میں شامل کیا گیا ہے۔
بورڈ کی جانب سے بتایا گیا کہ عثمان خان بیماری کے باعث سلیکشن کے لیے دستیاب نہیں تھے، جبکہ فخر زمان اور صائم ایوب انجری کے سبب بدستور ری ہیب پروگرام مکمل کر رہے ہیں۔
پاکستان اور آسٹریلیا کے درمیان ون ڈے سیریز 30 مئی سے شروع ہوگی، جبکہ میچز راولپنڈی اور لاہور میں کھیلے جائیں گے۔ سیریز کا اختتام 4 جون کو ہوگا۔
قومی اسکواڈ میں شاہین شاہ آفریدی (کپتان)، سلمان علی آغا (نائب کپتان)، عبدالصمد، ابرار احمد، احمد دانیال، عرفات منہاس، بابر اعظم، حارث رؤف، معاذ صداقت، محمد غازی غوری، نسیم شاہ، روحیل نذیر، صاحبزادہ فرحان، شاداب خان، شامل حسین اور سفیان مقیم شامل ہیں۔
🚨 Pakistan’s 16-member squad announced for Australia ODI series 🏏
Read more ➡️ https://t.co/t5o3BJK1x8#TakraarKaTime | #PAKvAUS | #BackTheBoysInGreen pic.twitter.com/lH5GDN7D6y
— Pakistan Cricket (@TheRealPCB) May 22, 2026
