اسلام آباد (نیوز ڈ یسک) سرگودھا میں سابق انٹرنیشنل کرکٹر نوید لطیف کے بیٹے محمد روحان پر اوباش نوجوانوں کا تشدد۔
کرکٹر نوید لطیف کا کہنا ہے کہ میرا بیٹا محمد روحان سودا سلف لینے نکلا تو راستے میں موٹر سائیکل سوار گروپ نے حملہ کر دیا۔
انٹرنیشنل کرکٹر نوید لطیف کے مطابق میرے بیٹے محمد روحان کو ملزمان نے گاڑی روک کر روحان کو باہر نکالا اور تشدد کا نشانہ بنایا۔زخمی ہونے پر محمد روحان کو چھوڑ کر ملزمان فرار ہو گئے، پولیس نے مقدمہ درج کر لیا ہے۔ملزمان تاحال گرفتار نہ ہو سکے ۔ نوید لطیف کا مزید کہنا ہے کہ ملزمان کی جانب سے دھمکیوں کا سلسلہ بھی جاری میرے بچے سکول بھی نہیں جا پا رہے ہے۔ سابقہ انٹرنیشنل کرکٹر نوید لطیف نے وزیر اعلی پنجاب مریم نواز شریف سے نوٹس لینے کا مطالبہ کرتے ہوئے انہوں نے ملزمان کی فوری گرفتاری کا مطالبہ کیا ہے۔
