اسلام آباد (نیوز ڈ یسک)پاکستان سپر لیگ کے 11ویں ایڈیشن کے چھٹے میچ میں لاہور قلندرز اور کراچی کنگز کے درمیان کھیلے گئے مقابلے کے دوران بال ٹیمپرنگ کے مبینہ معاملے پر کپتان شاہین شاہ آفریدی نے ردعمل دے دیا ہے۔

میچ کے بعد گفتگو کرتے ہوئے شاہین آفریدی کا کہنا تھا کہ انہیں گیند کے ساتھ کسی قسم کی چھیڑ چھاڑ کا علم نہیں تھا، اور اس معاملے پر ٹیم ویڈیو دیکھ کر صورتحال کا جائزہ لے گی۔میڈیا رپورٹس کے مطابق مقابلے کے آخری اوور سے قبل امپائرز نے گیند کا معائنہ کیا اور اس میں تبدیلی محسوس ہونے پر لاہور قلندرز پر 5 رنز کی پنالٹی عائد کر دی۔ اس فیصلے نے میچ کا رخ بدل دیا۔پنالٹی کے بعد کراچی کنگز کے لیے ہدف مزید آسان ہو گیا، جہاں انہیں 14 کے بجائے صرف 9 رنز درکار تھے۔ انہوں نے موقع سے فائدہ اٹھاتے ہوئے سنسنی خیز مقابلے میں کامیابی حاصل کر لی۔