بھارتی کرکٹ ٹیم کے اوپننگ بلے باز اور وکٹ کیپر سنجو سیمسن نے آئی سی سی مینز ٹی ٹوئنٹی ورلڈ کپ کے فائنل میں

شاندار کارکردگی دکھاتے ہوئے پاکستان کے سابق آل راؤنڈر شاہد آفریدی کے 17 سال پرانے ریکارڈ کی برابری کر دی۔احمد آباد کے نریندر مودی اسٹیڈیم میں کھیلے گئے فائنل مقابلے میں سنجو سیمسن کی جارحانہ بیٹنگ کی بدولت بھارت نے نیوزی لینڈ کو جیت کے لیے 256 رنز کا بڑا ہدف دیا۔ یہ مینز ٹی ٹوئنٹی ورلڈ کپ کی تاریخ میں کسی بھی فائنل میچ میں دیا جانے والا سب سے بڑا اسکور ہے۔سنجو سیمسن نے صرف 46 گیندوں پر 89 رنز کی شاندار اننگز کھیلی، جس میں 8 بلند و بالا چھکے اور 5 چوکے شامل تھے۔ یہ اس ٹورنامنٹ میں ان کی مسلسل تیسری نصف سنچری بھی ہے۔

اس سے قبل انہوں نے سپر ایٹ مرحلے میں ویسٹ انڈیز کے خلاف جبکہ سیمی فائنل میں انگلینڈ کے مقابل نصف سنچریاں اسکور کی تھیں۔ فائنل میں بھی پچاس رنز مکمل کرنے کے بعد وہ آئی سی سی مینز ٹی ٹوئنٹی ورلڈ کپ کی تاریخ میں سیمی فائنل اور فائنل دونوں میں نصف سنچری بنانے والے تیسرے کھلاڑی بن گئے۔

اس فہرست میں ان سے پہلے صرف پاکستان کے شاہد آفریدی اور بھارت کے ویرات کوہلی کا نام شامل تھا۔