ممبئی (نیوز ڈیسک) آئی سی سی مینز ٹی ٹوئنٹی ورلڈ کپ کے دوسرے سیمی فائنل میں بھارت نے پہلے بیٹنگ کرتے ہوئے انگلینڈ کو جیت کے لیے بڑا ہدف دے دیا ہے۔

ممبئی میں کھیلے جا رہے اس اہم مقابلے میں انگلینڈ کے کپتان ہیری بروک نے ٹاس جیتنے کے بعد بھارت کو بیٹنگ کی دعوت دی۔ بھارتی ٹیم نے مقررہ 20 اوورز میں 7 وکٹوں کے نقصان پر 253 رنز اسکور کیے۔بھارتی اننگز میں سنجو سیمسن سب سے نمایاں رہے جنہوں نے جارحانہ بیٹنگ کرتے ہوئے 89 رنز بنائے۔ ان کے علاوہ شیوام دوبے نے 43، ایشان کشن نے 39 جبکہ ہاردک پانڈیا نے 27 رنز کی اننگز کھیلی۔ تلک ورما نے 21 اور سوریا کمار یادیو نے 11 رنز اسکور کیے۔

انگلینڈ کی بولنگ کی بات کی جائے تو ول جیکس اور عادل راشد نے دو، دو وکٹیں حاصل کیں۔

واضح رہے کہ ٹورنامنٹ کے پہلے سیمی فائنل میں نیوزی لینڈ نے جنوبی افریقہ کو شکست دے کر فائنل میں اپنی جگہ بنا لی ہے۔ ٹی ٹوئنٹی ورلڈ کپ 2026 کا فائنل اتوار کے روز احمد آباد میں کھیلا جائے گا۔