اسلام آباد (نیوز ڈیسک) ایران کی جانب سے حالیہ حملوں کے بعد عالمی شہرت یافتہ فٹبالر کرسٹیانو رونالڈو ریاض سے اپنے نجی طیارے کے ذریعے میڈرڈ روانہ ہو گئے۔

برطانوی میڈیا رپورٹس کے مطابق رونالڈو کا پرائیویٹ جیٹ رات تقریباً 8 بجے سعودی دارالحکومت سے اڑا اور قریباً ایک بجے ہسپانوی شہر میڈرڈ میں لینڈ کیا۔ فلائٹ ٹریکنگ ویب سائٹس کے مطابق پرواز کا راستہ مصر اور بحیرہ روم کے اوپر سے گزرا۔اخبار کا کہنا ہے کہ اس طیارے کی مالیت لگ بھگ 61 ملین پاؤنڈ بتائی جاتی ہے۔ رونالڈو اس وقت ریاض میں اپنی شریکِ حیات اور پانچ بچوں کے ساتھ رہائش پذیر ہیں۔ تاہم رپورٹس میں یہ واضح نہیں کیا گیا کہ ان کا خاندان بھی اس پرواز میں ان کے ہمراہ تھا یا نہیں۔