اسلام آباد (نیوز ڈیسک)آئی سی سی مینز ٹی 20 ورلڈ کپ 2026 کے سپر 8 مرحلے میں جنوبی افریقا نے شاندار کھیل پیش کرتے ہوئے بھارت کرکٹ ٹیم کو 76 رنز سے شکست دے دی،

جس کے بعد مقابلے سے قبل نشر کیا گیا بھارتی براڈکاسٹر کا طنزیہ اشتہار خود اسی پر تنقید کا سبب بن گیا۔میچ سے پہلے دکھائے گئے پرومو میں جنوبی افریقا کرکٹ ٹیم کو کمزور حریف کے طور پر پیش کیا گیا تھا جبکہ بھارتی ٹیم کو واضح فیورٹ قرار دیا گیا۔ اشتہار میں کپ کیک کی علامت استعمال کرتے ہوئے دعویٰ کیا گیا تھا کہ تاریخ خود کو دہراتے ہوئے بھارت کی کامیابی یقینی بنائے گی۔تاہم گراؤنڈ میں صورتحال اس کے برعکس ثابت ہوئی۔ جنوبی افریقا نے نہ صرف حریف کو بڑے فرق سے زیر کیا بلکہ ٹی 20 ورلڈ کپ کی تاریخ میں رنز کے لحاظ سے بھارت کو اس کی بدترین شکست بھی دے ڈالی۔میچ ختم ہونے کے بعد سوشل میڈیا صارفین نے براڈکاسٹر کو آڑے ہاتھوں لیا،

جس کے باعث متنازع اشتہار خاموشی سے ہٹا دیا گیا۔ شائقینِ کرکٹ کا کہنا ہے کہ قبل از وقت دعوے اور طنزیہ تشہیری مہمات اکثر الٹا اثر ڈالتی ہیں، جبکہ جنوبی افریقا نے اپنی کارکردگی سے ثابت کیا کہ اصل فیصلہ میدان میں کھیل ہی کرتا ہے۔

ofcourse they’ve decided to delete the tweet but @StarSportsIndia deserves this humiliation. if they had an iota of integrity, they would issue an apology to South Africa. unbridled arrogance. the game always finds a way to humble those who think they are bigger than the game 🙏🏽 pic.twitter.com/3QCM3DFw1u

— CaniZ (@caniyaar) February 22, 2026