اسلام آباد (نیوز ڈیسک) خیبرپختونخوا کے ضلع شمالی وزیرستان سے تعلق رکھنے والی ایک ننھی کھلاڑی کی شاندار بولنگ کی ویڈیو سوشل میڈیا پر تیزی سے مقبول ہو گئی، جس کے بعد اسے باقاعدہ کرکٹ پلیٹ فارم مل گیا۔

تحصیل شیواہ کی رہائشی کم عمر بچی آئینہ وزیر کی کرکٹ کھیلتے ہوئے ویڈیو صارفین میں خوب گردش کر رہی ہے۔ یہ کلپ سوشل میڈیا پلیٹ فارم ایکس پر ایک صارف بادشاہ پشتین نے شیئر کیا، جس میں بتایا گیا کہ بچی کا تعلق شیوہ شگہ زالول خیل سے ہے اور وہ شہید عمر گل کی صاحبزادی ہے۔ ویڈیو کے ساتھ کیپشن میں لکھا گیا کہ یہ بچوں کے ایک مقامی ٹورنامنٹ کا منظر ہے جہاں آئینہ اپنی ٹیم کی نمائندگی کر رہی ہے، اور اگر مناسب مواقع میسر آئیں تو ایسے باصلاحیت بچے بڑی کامیابیاں حاصل کر سکتے ہیں۔

ویڈیو وائرل ہونے کے بعد پشاور زلمی کے مالک جاوید آفریدی نے بھی ردعمل دیا اور کہا کہ آئینہ وزیر غیر معمولی صلاحیتوں کی حامل کھلاڑی ہیں اور ایسا ٹیلنٹ یقیناً بہتر مواقع کا مستحق ہوتا ہے۔

واو: ماشاءاللہ اس بچی کی باولنگ چیک کرے۔

آئینہ وزیر کا تعلق تحصیل شیواہ شگہ زالول خیل سے ہے اور شہید #عمرگل کی بیٹی ہے ، یہ بچوں کا ایک ٹورنامنٹ ہے جس میں آئینہ کی اپنی ٹیم ہے، افسوس مواقع نہیں ہے ورنہ ہمارے بچوں میں بہت ٹیلنٹ ہے، pic.twitter.com/cPzVBJ9ulk

— Badshah Pashteen (@badshahpashten) February 18, 2026