اسلام آباد (نیوز ڈ یسک)انٹرنیشنل کرکٹ کونسل نے اعلان کیا ہے کہ ٹی ٹوئنٹی ورلڈکپ 2028 کے لیے سپر ایٹ مرحلے تک

پہنچنے والی آٹھ ٹیمیں خودکار طور پر اگلے ایڈیشن میں جگہ بنانے میں کامیاب ہو گئی ہیں، جن میں پاکستان بھی شامل ہے۔آئی سی سی کے مطابق 2028 کا عالمی ٹورنامنٹ آسٹریلیا اور نیوزی لینڈ کی مشترکہ میزبانی میں منعقد ہوگا اور اس میں مجموعی طور پر 20 ٹیمیں حصہ لیں گی۔ سپر ایٹ میں رسائی حاصل کرنے والی ٹیموں کے علاوہ میزبان آسٹریلیا کو بھی براہ راست شرکت کا حق مل گیا ہے۔مزید یہ کہ 9 مارچ تک جاری ہونے والی آئی سی سی ٹی ٹوئنٹی رینکنگ میں سرفہرست تین مزید ٹیمیں بھی خودکار طور پر ایونٹ کے لیے کوالیفائی کر جائیں گی، جبکہ باقی آٹھ ٹیموں کا فیصلہ مختلف ریجنل کوالیفائنگ مقابلوں کے ذریعے ہوگا۔