اسلام آباد (نیوز ڈ یسک)قومی ٹیم کے سابق آل راؤنڈر عماد وسیم کی سوشل میڈیا شخصیت نائلہ راجہ سے شادی کی تصدیق کے بعد
ان کی سابق اہلیہ ثانیہ اشفاق کی جانب سے نیا بیان سامنے آیا ہے۔ثانیہ اشفاق نے سوشل میڈیا پوسٹ میں الزام عائد کیا کہ دسمبر 2023 میں لاہور میں ان کے حمل کو ختم کروایا گیا تھا۔ انہوں نے اپنی پوسٹ میں دعویٰ کیا کہ ان کے پاس اس حوالے سے ویڈیو ثبوت بھی موجود ہے اور انہوں نے عماد وسیم پر دھوکہ دینے کا الزام لگایا۔انہوں نے مزید کہا کہ فرنچائز اسلام آباد یونائیٹڈ کو ایسے کھلاڑی کو موقع نہیں دینا چاہیے اور صارفین سے ٹیم کے بائیکاٹ کی اپیل بھی کی۔ ان کا مؤقف تھا کہ کسی بھی مبینہ غلط کام میں ملوث شخص کو جواب دہ ہونا چاہیے۔ یاد رہے کہ پاکستان سپر لیگ کے 11ویں ایڈیشن میں اسلام آباد یونائیٹڈ نے عماد وسیم کو 2 کروڑ 20 لاکھ روپے میں ٹیم کا حصہ بنایا تھا۔واضح رہے کہ ثانیہ اشفاق نے ایک ویڈیو پیغام میں دعویٰ کیا تھا کہ عماد وسیم نے دوسری شادی کرلی ہے، جس کے بعد کرکٹر نے خود بھی سوشل میڈیا بیان کے ذریعے اپنی نئی شادی کی تصدیق کی۔
View this post on Instagram
