اسلام آباد (نیوز ڈیسک)قومی کرکٹر عماد وسیم کے حوالے سے دوسری شادی کی خبر سامنے آئی ہے،
جس کے بعد ان کی سابق اہلیہ ثانیہ اشفاق نے سوشل میڈیا پر ردِعمل دیتے ہوئے ایک ویڈیو شیئر کی۔ ویڈیو میں مبینہ طور پر شادی کی جھلک دکھائی گئی اور ساتھ ہی انہوں نے سخت الفاظ میں اپنا مؤقف بھی بیان کیا۔اپنی پوسٹ میں ان کا کہنا تھا کہ اب حقیقت سب کے سامنے آ چکی ہے۔ انہوں نے الزام لگایا کہ ایک خاتون نے ان کا گھر توڑ دیا اور بچوں کا خیال تک نہ کیا، جبکہ جس شخص پر انہوں نے اعتماد کیا وہ بھی آخرکار بے نقاب ہو گیا۔ثانیہ اشفاق نے مزید کہا کہ وہ اپنے اور بچوں کے ساتھ ہونے والی ناانصافی پر انصاف چاہتی ہیں۔ اس معاملے پر ان کی پوسٹ کے بعد سوشل میڈیا صارفین کی جانب سے مختلف تبصرے سامنے آ رہے ہیں، تاہم عماد وسیم نے اب تک اس بارے میں کوئی باضابطہ بیان جاری نہیں کیا۔
View this post on Instagram
