اسلام آباد (نیوز ڈیسک) پاکستان سپر لیگ (پی ایس ایل) کے گیارہویں سیزن کی پلیئر ڈرافٹنگ تقریب لاہور میں منعقد ہوئی

جہاں فرنچائزز نے اپنے اسکواڈ مضبوط بنانے کے لیے نمایاں کھلاڑیوں کو بھاری رقوم کے عوض منتخب کیا۔اس موقع پر نئی شامل ہونے والی ٹیم راولپنڈی نے فاسٹ بولر نسیم شاہ کو 86.5 ملین روپے میں حاصل کر کے انہیں ڈرافٹ کا سب سے مہنگا کھلاڑی بنا دیا۔ اس فہرست میں دوسرے نمبر پر آل راؤنڈر فہیم اشرف رہے جنہیں اسلام آباد یونائیٹڈ نے 85 ملین روپے میں اپنے اسکواڈ میں شامل کیا، جبکہ نیوزی لینڈ کے ڈیرل مچل بھی اتنی ہی رقم میں راولپنڈی کا حصہ بنے۔لاہور قلندرز نے فخر زمان کو 79.5 ملین روپے میں خریدا، جبکہ کراچی کنگز نے آسٹریلوی اسٹار ڈیوڈ وارنر کو 79 ملین روپے میں ٹیم میں شامل کیا۔ اسی طرح حارث رؤف دوبارہ لاہور قلندرز کے ساتھ منسلک ہو گئے جنہیں فرنچائز نے 76 ملین روپے میں حاصل کیا۔دیگر نمایاں انتخاب میں قومی ٹی ٹوئنٹی کپتان سلمان علی آغا شامل ہیں جو 58.5 ملین روپے میں کراچی کنگز سے جا ملے۔

سیالکوٹ اسٹالینز نے صاحبزادہ فرحان کو 57 ملین روپے میں منتخب کیا، جبکہ لاہور قلندرز نے لیگ اسپنر اسامہ میر کو 35 ملین روپے کے عوض اپنی ٹیم کا حصہ بنایا۔