اسلام آباد (نیوز ڈ یسک)پاپاکستان اور بھارت کے درمیان ٹی ٹوئنٹی ورلڈکپ میچ کے حوالے سے آج کسی خاص پیش رفت کی توقع نہیں ہے۔
ذرائع کے مطابق انٹرنیشنل کرکٹ کونسل (آئی سی سی)، پاکستان کرکٹ بورڈ (پی سی بی) اور بنگلادیش کرکٹ بورڈ کے درمیان پاک بھارت میچ کے بائیکاٹ سے متعلق مذاکرات گزشتہ شب مکمل ہوئے، اور توقع ہے کہ اگلے 24 گھنٹوں میں کسی بڑی پیش رفت کا امکان ہے۔چیئرمین پی سی بی محسن نقوی آج وزیراعظم شہباز شریف سے ملاقات کر سکتے ہیں، جس دوران وہ گزشتہ روز ہونے والے مذاکرات سے متعلق بریف کریں گے اور آئندہ کے لائحہ عمل کے بارے میں رہنمائی حاصل کریں گے۔بھارتی میڈیا کی رپورٹ کے مطابق آئی سی سی نے پاکستان کو پیر 9 فروری تک ڈیڈ لائن دی تھی تاکہ پاک بھارت میچ کے حوالے سے حتمی فیصلہ کیا جا سکے۔ تاہم ذرائع کا کہنا ہے کہ آج تک میچ کے بارے میں کوئی حتمی پیش رفت نہیں ہوئی، اور ممکنہ طور پر فیصلہ 12 فروری کو متوقع ہے۔
واضح رہے کہ حکومت پاکستان کی ہدایت پر پی سی بی نے پہلے ہی اعلان کیا تھا کہ ٹی 20 ورلڈکپ میں پاکستان شرکت کرے گا لیکن بھارت کے خلاف میچ میں حصہ نہیں لے گا۔
