راولپنڈی(این این آئی)پاکستان کے اسٹابر بیٹر بابر اعظم نے سابق کپتان شاہد آفریدی کا ناپسندیدہ ٹی ٹوئنٹی ریکارڈ توڑ دیا۔بابر اعظم نے منگل کوراولپنڈی کرکٹ سٹیڈیم میں زمبابوے کے خلاف سہ ملکی ٹی ٹوئنٹی سیریز کے پہلے میچ کے دوران صفر پر آؤٹ ہونے میں شاہد آفریدی کو بھی پیچھے چھوڑ دیا۔

بابر اعظم سہ ملکی سیریز کے پہلے ہی میچ میں زمبابوے کے خلاف بغیر کوئی رن بنائے آؤٹ ہوگئے۔صفر پر آؤٹ ہونے کے ساتھ ہی 31سالہ بابر اعظم نے ٹی ٹوئنٹی انٹرنیشنلز میں 9ویں پر بغیر کوئی رن بنائے آؤٹ ہوئے۔یوں بابر اعظم شاہد آفریدی کو پیچھے چھوڑتے ہوئے پاکستان کے ان بیٹرز کی فہرست میں اوپر آگئے جن کے سب سے زیادہ صفر ہیں۔ ٹی ٹوئنٹی انٹرنیشنل میں پاکستان کی جانب سے سب سے زیادہ صفر پرآؤٹ ہونے کے ریکارڈ کی فہرست میں صائم ایوب اور عمر اکمل مشترکہ طور پر پہلے نمبر پر ہیں، دونوں بیٹرز 10بار صفر پر آٹ ہوئے۔اس فہرست میں اب دوسرا نمبر بابر اعظم کا آگیا جو 9بار صفر پر آؤٹ ہوئے۔