اسلام آباد (این این آئی)قومی ٹیم کے سابق فاسٹ بولر محمد عامر ٹی ٹوئنٹی کرکٹ میں 400 وکٹیں حاصل کرنے والے دوسرے پاکستانی بولر بن گئے۔33سالہ فاسٹ بولر نے کیریبیئن پریمیئر لیگ میں فابیئن ایلن کو آؤٹ کرکے یہ اعزاز حاصل کیا۔وہ اب تک 343 ٹی ٹوئنٹی میچز میں 22.54 کی اوسط سے 400 وکٹیں حاصل کرچکے ہیں۔محمد عامر ٹی ٹوئنٹی کرکٹ میں 400 یا اس سے زائد وکٹیں حاصل کرنے والے مجموعی طور پر نویں اور دوسرے پاکستانی بولر ہیں۔

ٹی ٹوئنٹی کرکٹ میں سب سے زیادہ وکٹیں حاصل کرنے کا اعزاز افغانستان کے راشد خان کے پاس ہے جن کی وکٹوں کی تعداد 658 ہے۔ ویسٹ انڈیز کے ڈی جے براوو 631 وکٹوں کے ساتھ دوسرے نمبر پر ہیں۔ویسٹ انڈیز کے سنیل نارائن 590، جنوبی افریقہ کے عمران طاہر 549، بنگلہ دیش کے شکیب الحسن 499، ویسٹ انڈیز کے آندرے رسل 485، انگلینڈ کے کرس جورڈن 438 اور پاکستان کے وہاب ریاض 413 وکٹیں حاصل کرچکے ہیں۔