اتوار‬‮ ، 31 اگست‬‮ 2025 

آئی سی سی نے تینوں فارمیٹ کے پلیئرز کی نئی رینکنگ جاری کردی

datetime 14  اگست‬‮  2025
ہمارا واٹس ایپ چینل جوائن کریں

دبئی (این این آئی)انٹرنیشنل کرکٹ کونسل (آئی سی سی) نے پلیئرز رینکنگ جاری کردی ہے، ٹی20 بیٹنگ میں بھارت کے ابھیشک شرما، ون ڈے میں بھارت کے شبمن گل اور ٹیسٹ کرکٹ میں انگلینڈ کے جوروٹ نے پہلی پوزیشن اپنے نام کر رکھی ہے۔ٹی20 بیٹنگ میں آسٹریلیا کے ٹم ڈیوڈ 6 درجے ترقی کے بعد ٹاپ ٹین میں شامل ہوئے ہیں، ان کا نمبر 10واں ہے جبکہ کیمرون گرین 6 درجے ترقی کے بعد 17 نمبر پہنچے ہیں۔ٹی20 کی ٹاپ رینکنگ میں پاکستان کا کوئی بیٹر شامل نہیں، بابر اعظم بھی ایک درجے تنزلی کے بعد 18ویں نمبر پر چلے گئے ہیں۔ساؤتھ افریقا کے ڈیولڈ بریوس نے لمبی چھلانگ لگائی، وہ 80 درجے ترقی کے بعد 21ویں نمبر پر آگئے ہیں۔ٹی20 بولنگ کی ٹاپ ٹین فہرست میں بھی پاکستان کا کوئی بولر شامل نہیں ہے، نیوزی لینڈ کے جیکب ڈفی کا پہلا نمبر برقرار ہے۔آسٹریلیا کے جوش ہیزل ووڈ 3 درجے ترقی کے بعد 20ویں نمبر پر آگئے ہیں جبکہ حارث روف 2 درجے ترقی کے بعد 24 ویں پوزیشن پر ہیں۔

ٹی20 آل راؤنڈرز کی فہرست میں بھارت کے ہاردیک پانڈیا نے پہلا نمبر برقرار رکھا ہے۔آئی سی سی ون ڈے پلیئر رینکنگ میں بیٹر میں شبمن گل نے پہلی پوزیشن برقرار رکھی ہے جبکہ روہت شرما ایک درجہ بہتری کے بعد دوسری پوزیشن پر آگئے ہیں جبکہ بابر اعظم کی ایک درجہ تنزلی ہوئی ہے وہ تیسرے نمبر پر ہیں۔پاکستانی ٹیم کے کپتان محمد رضوان ایک درجہ تنزلی کے بعد 23ویں جبکہ صائم ایوب 9 درجے تنزلی کے بعد 46 ویں نمبر پر پہنچ گئے ہیں۔ون ڈے بولنگ میں سری لنکا کے مہیش تھیکشانا کی پہلی پوزیشن برقرار ہے جبکہ ویسٹ انڈیز کے گوڈا کیش موتی 5 درجے بہتری کے بعد 12 نمبر پر پہنچ گئے ہیں۔گرین شرٹس کے شاہین شاہ آفریدی ایک درجہ تنزلی کے بعد 13ویں، ویسٹ انڈیز کے جیڈن سیلز 24 درجے ترقی کے بعد 33ویں اور ابرار احمد 2 درجے بہتری کے بعد 54ویں پوزیشن پر آگئے ہیں۔ایک روزہ کرکٹ کی آل راؤنڈرز رینکنگ میں افغانستان کے عظمت اللّٰہ عمر زئی کی پہلی پوزیشن برقرار ہے جبکہ سلمان علی آغا ایک درجہ بہتری کے بعد 21 ویں نمبر پر آگئے ہیں۔

آئی سی سی کی ٹیسٹ پلیئرز رینکنگ میں بیٹنگ میں جو روٹ، بولنگ میں بھارت کے جسپریت بمرا اور آل راؤنڈرز میں بھارت کے رویندرا جدیجہ کی پہلی پوزیشن برقرار ہے۔ہیری بروک نے بیٹنگ میں دوسری اور کین ولیم سن کی تیسری پوزیشن برقرار ہے جبکہ ساؤتھ افریقا کے ایڈن مارکرم ایک درجہ بہتری کے بعد 15ویں نمبر پر آگئے ہیں۔نیوزی لینڈ کے رچن رویندرا 15 درجے لمبی چھلانگ کے بعد 23ویں نمبر پر آگئے ہیں جبکہ اسی ٹیم کے ڈیون کانوے 7 درجے بہتری کے بعد 37ویں پوزیشن پر پہنچے ہیں۔ٹیسٹ کی بولنگ رینکنگ میں پاکستان کے نعمان کی چھٹی پوزیشن برقرار ہے جبکہ نیوزی لینڈ کے میٹ ہینری 1 درجے بہتر کے بعد تیسرے نمبر پر ہیں۔

آج کی سب سے زیادہ پڑھی جانے والی خبریں


کالم



پروفیسر غنی جاوید


’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…