اسلام آباد (نیوز ڈیسک) پاکستان کرکٹ بورڈ (پی سی بی) نے ویسٹ انڈیز کے خلاف مجوزہ ون ڈے اور ٹی ٹوئنٹی انٹرنیشنل سیریز کے لیے قومی ٹیم کے اسکواڈ کا باقاعدہ اعلان کر دیا ہے۔اس سیریز کے دوران پاکستان کی ٹیم تین ٹی ٹوئنٹی اور تین ایک روزہ بین الاقوامی میچز کھیلے گی۔ محمد رضوان کو ون ڈے ٹیم کا کپتان برقرار رکھا گیا ہے، جبکہ بابر اعظم اور شاہین شاہ آفریدی بھی ون ڈے اسکواڈ کا حصہ ہوں گے۔

قومی ٹیم 27 جولائی کو امریکہ روانہ ہوگی، جہاں سیریز کے ٹی ٹوئنٹی میچز 31 جولائی، 2 اگست اور 3 اگست کو کھیلے جائیں گے، جبکہ ایک روزہ میچز 8، 10 اور 12 اگست کو شیڈول ہیں۔اعلان کردہ اسکواڈ میں درج ذیل کھلاڑی شامل ہیں:محمد رضوان، بابر اعظم، عبداللہ شفیق، سلمان علی آغا، فہیم اشرف، فخر زمان، شاہین شاہ آفریدی، حسن علی، نسیم شاہ، حارث رؤف، حسین طلعت، محمد نواز، حسن نواز، صائم ایوب، خوشدل شاہ، محمد حارث، ابرار احمد، صاحبزادہ فرحان، سفیان مقیم۔قابل ذکر بات یہ ہے کہ اسکواڈ میں نوجوان کھلاڑیوں اور تجربہ کار کرکٹرز کا امتزاج رکھا گیا ہے تاکہ دونوں فارمیٹس میں بہترین کارکردگی پیش کی جا سکے۔