لاہور(این این آئی)پاکستان کے مارشل آرٹ کھلاڑی عرفان محسود صرف 3 سال میں 150 گنیز بک آف ورلڈ ریکارڈ اپنے نام کرنے والے پہلے پاکستانی بن گئے۔عرفان محسود نے نے 100 پاؤنڈ وزن اٹھا کر 78 اسکواٹس کر کے چائینیز ایتھلیٹ کے 70 اسکواٹس کا ورلڈ ریکارڈ توڑا اور نیا ریکارڈ اپنے نام درج کرایا۔مذکورہ ریکارڈ عرفان محسود کا 150 واں گنیز ورلڈ ریکارڈ ہے۔

عرفان محسود نے گزشتہ سال ورلڈ گنیز ریکارڈ کی سنچری مکمل کی تھی اور صرف ایک سال میں یہ تعداد ریکارڈ 150 تک جا پہنچی ہے۔وہ پش اپس کٹیگری میں ورلڈ لیول پر سب زیادہ 70 ریکارڈز بنا چکے ہیں، اور 100 پاونڈ وزن کے ساتھ 40 ورلڈ ریکارڈز بھی ان کے نام ہیں۔عرفان محسود اب تک 20 ملکوں کے ورلڈ ریکارڈز توڑ چکے ہیں۔ اپنی اس قابل قدر کارکردگی پر وہ 2023 میں پاکستان کا اعلیٰ سول اعزاز میں صدارتی ایوارڈ برائے حسن کارگردگی بھی حاصل کر چکے ہیں۔