لاہور(این این آئی)پاکستان میں جاری آئی سی سی چیمپئنز ٹرافی 2025نے ایک نیا سنگ میل عبور کرلیا ہے۔میڈیارپورٹ کے مطابق رواں ایڈیشن میں اب تک 11سنچریاں بن چکی ہیں جو اس ٹورنامنٹ کی تاریخ میں کسی ایک ایڈیشن میں سب سے زیادہ ہیں۔اس سے قبل 2002اور 2017کے ایڈیشنز میں 10، 10سنچریاں اسکور کی گئی تھیں لیکن 2025کا ٹورنامنٹ اس ریکارڈ کو توڑنے میں کامیاب ہوگیا۔

دلچسپ امر یہ ہے کہ میزبان پاکستان کے علاوہ تمام ٹیموں کے کھلاڑیوں نے اس ایڈیشن میں سنچریاں بنائی ہیں۔نیوزی لینڈ کے تین کھلاڑیوں نے سب سے زیادہ سنچریاں اسکور کیں جبکہ بھارت اور انگلینڈ کے دو، دو کھلاڑیوں نے یہ کارنامہ انجام دیا۔اس کے علاوہ آسٹریلیا، ساؤتھ افریقہ، بنگلہ دیش اور افغانستان کے ایک، ایک کھلاڑی نے بھی سنچریاں بنا کر اپنی ٹیموں کا نام روشن کیا۔