شارجہ(این این آئی) افغانستان نے پہلے ون ڈے میچ میں جنوبی افریقا کو 6 وکٹوں سے شکست دے دی۔شارجہ میں تین ون ڈے میچز پر مشتمل سیریز کے پہلے میچ میں جنوبی افریقا نے ٹاس جیت کر پہلے بیٹنگ کا فیصلہ کیا تاہم جنوبی افریقا کی پوری ٹیم صرف 33.3 اوورز میں 106 رنز بناکر پویلین لوٹ گئی، ویان ملڈر 52 رنز کے ساتھ نمایاں رہے۔افغانستان کی طرف سے فضل الحق فاروقی نے 4، اے ایم غضنفر نے 3 اور راشد خان نے 2 وکٹیں حاصل کیں۔

افغانستان نے 107 رنز کا ہدف 26 اوورز میں 4 وکٹوں کے نقصان پر حاصل کرلیا، افغانستان کی جانب سے گلبدین نائب34عظمت اللہ عمر زئی25 رنز بنا کر نمایاں رہے۔واضح رہے کہ افغانستان کو تین میچوں کی سیریز میں ایک صفر کی برتری حاصل ہو گئی ہے۔