اسلام آباد (این این آئی)پاکستان کرکٹ ٹیم کے آل راؤنڈر فہیم اشرف دلہنیا لانے کیلئے بینڈ باجے کے ساتھ بارات لے کر نارروال روانگی کی ویڈیو وائرل ہوگئی ۔قومی کرکٹ ٹیم کے کھلاڑی نے پھول نگر سے نارووال کے لیے روانگی سے قبل تصاویر اور ویڈیوز بھی بنوائیں جو سوشل میڈیا پر وائرل ہو ئیں۔وائرل ویڈیوز میں دیکھا جا سکتا ہے کہ کھلاڑی سیاہ رنگ کی سرخ و سفید پھولوں سے سجی گاڑی میں بارات لے کر دلہنیا لینے روانہ ہوئے۔
اس موقع پر انہوں نے سفید رنگ کی روایتی شیروانی زنب تن کی۔ایک اور وائرل ویڈیو میں فہیم اشرف کو پھولوں کا ہار پہنے شادی کی تقریب میں آئے مہمانوں سے گلے ملتے دیکھا جا سکتا ہے۔اس سے قبل پھول نگر میں منعقدہ آل رائونڈر کی دعوت مہندی کی بھی مختلف ویڈیوز اور تصاویر سوشل میڈیا پر سامنے آئی تھیں جس میں انہوں نے گہرے سرخ رنگ کے لباس کا انتخاب کیا تھا۔ان کی شادی نارووال کے رانا شبیر کی صاحبزادی سے طے پائی ہے جبکہ ان کی دعوتِ ولیمہ کی تقریب (آج)اتوار کو پھول نگر میں ہو گی۔
