لاہور (این این آئی)پاکستان کرکٹ بورڈ (پی سی بی) کی جانب سے سابق کرکٹر سعید اجمل کو قومی ٹیم کا اسپن بائولنگ کوچ بنائے جانے کا امکان ہے۔ذرائع کے مطابق سعید اجمل کو پاکستان کرکٹ ٹیم کے اسپن بائولنگ کوچ کی ذمہ داری دینے کا فیصلہ کیا گیاہے۔ پی سی بی نے سابق کرکٹر کو عہدے کی پیشکش بھی کر دی ہے۔

سعید اجمل کی طرف سے مشروط رضامندی ملنے کے بعد اب حتمی فیصلہ چیئرمین پی سی بی مینجمنٹ کمیٹی ذکا اشرف نے کرنا ہے۔ ذکا اشرف کی منظوری ملتے ہی سعید اجمل کی تقرری کا باقاعدہ اعلان کیا جائے گا۔خیال رہے کہ سعید اجمل پاکستان سْپر لیگ میں اسلام آباد یونائٹیڈ کے اسپن بائولنگ کوچ کی ذمہ داریاں نبھا چکے ہیں۔ یہ پہلی مرتبہ ہوگا کہ وہ پاکستان کرکٹ ٹیم کے ساتھ کام کریں گے۔