لاہور( این این آئی)وزیراعلی پنجاب محسن نقوی کی ہدایت پر محکمہ سپورٹس نے ارشد ندیم کے لئے 30 لاکھ روپے انعام کا اعلان کر دیا ۔ارشد ندیم نے حالیہ ورلڈ اتھلیٹکس چمپئن شپ میں چاندی کا تمغہ جیتا ہے۔

ارشد کی کامیابی اتھلیٹکس ورلڈ چمپئن شپ میں پاکستان کا پہلا میڈل ہے۔ مشیر کھیل پنجاب وہاب ریاض نے کہا کہ ارشد ندیم سمیت تمام قومی کھلاڑیوں کی پذیرائی کے لئے کام کررہے ہیں،تمام کھلاڑی جذبے اور لگن سے محنت کریں حکومت پنجاب آپ کی سرپرستی کرے گی،پنجاب انڈونمنٹ فنڈ کا اجرا ء جلد کیا جارہا ہے،پنجاب میں کھیل اور کھلاڑیوں کا مستقبل روشن ہے،وزیر اعلی پنجاب کی ہدایت پر سپورٹس سیکٹر کو مستحکم کرنے پر کام کررہے ہیں۔