ہرارے: آئی سی سی ورلڈ کپ کوالیفائر کے میچ میں ویسٹ انڈیز سکاٹ لینڈ کے ہاتھوں شکست کھا کر ورلڈ کپ میں شمولیت کی دوڑ سے باہر ہو گیا ۔ میچ میں سکاٹ لینڈ نے ٹاس جیت کر پہلے فیلڈنگ کا فیصلہ کیا ۔ ویسٹ انڈیز کاکوئی بلے باز بھی خاطر خواہ کھیل پیش نہ کر سکا اور پوری ٹیم 181 رنز بنا کر آوٹ ہو گئی ۔ جواب میں سکاٹ لینڈ کی جانب سے مطلوبہ ہدف تین وکٹوں کے نقصان سے 44ویں اوور میں حاصل کر لیا گیا جس کے بعد ویسٹ انڈیز کی ٹیم ورلڈ کوالیفائر راونڈ سے باہر ہو گئی۔ اس سے قبل ویسٹ انڈیز کو نیدرز لینڈ اورزمبابوے کی ٹیموں نے شکست دی تھی ۔