لندن(این این آئی)آئی سی سی ورلڈ ٹیسٹ چیمپئن شپ کے فائنل میں آسٹریلیا کے ہاتھوں بھارت کی شکست کے بعد بھارتی کرکٹ ٹیم کے مداح آگ بگولہ ہوگئے اور انہوں نے گراؤنڈ میں ہی نعرے بازی شروع کردی۔آسٹریلیا کرکٹ ٹیم نے بھارت کو شکست دیکر آئی سی سی ورلڈ ٹیسٹ چیمپئن شپ جیت لی۔
لندن کے اوول کرکٹ گراؤنڈ میں کھیلے گئے فائنل مقابلے میں آسٹریلیا نے بھارت کو 209 رنز سے ہرایا۔بھارتی تماشائی اپنی ٹیم کی شکست برداشت نہ کرپائے اور گراؤنڈ میں آسٹریلوی ٹیم کے خلاف نعرے لگانا شروع کردئیے۔میچ ختم ہونے کے بعد آسٹریلوی کھلاڑی جب ڈریسنگ روم کی جانب جارہے تھے تو بھارتی تماشائیوں کی طرف سے ان کے خلاف ’چیٹر چیٹر‘ کے نعرے لگائے گئے۔
