اسلام آباد (مانیٹرنگ ڈیسک /این این آئی)قومی کرکٹ ٹیم کے لفٹ ہینڈ بیٹر شان مسعود نے اعتراف کرتے ہوئے کہا ہے کہ ٹی ٹوئنٹی ورلڈ کپ کے فائنل میں میں اور شاداب خان شراکت داری قائم کرن میں کامیاب نہ ہو سکے ۔ میڈیا کو انٹرویو میں شان مسعود کا کہنا تھا کہ بابر اعظم نے دو تین وکٹس گرنے سے قبل ہی اچھا مومنٹم بنا دیا تھا ۔ قومی کرکٹر شان مسعود نے 28 گیندوں پر 38 رنز بنائےتھے ،

انہوںکا مزید کہنا تھا کہ ” مجھے نہیں لگتا کہ ہم نے اچھی کارکردگی کا مظاہرہ کیا اور مجھے لگتا ہے کہ میں اور شاداب وہاں نہ رہنے کے لیے خود کو ذمہ دار سمجھتے ہیں۔دوسری جانب پاکستان کرکٹ ٹیم کے نائب کپتان شاداب خان نے ٹی ٹونٹی ورلڈ کپ کے فائنل میں انگلینڈ کے ہاتھوں شکست کے باوجود سپورٹ کرنے پر شائقین کا شکریہ ادا کیا ہے ۔ انہوں نے سماجی رابطے کی سائٹ ٹوئٹر پر جاری کیے گئے پیغام میں شائقین کا شکریہ ادا کرتے ہوئے کہا کہ ہمیں مسلسل سپورٹ کرنے کا شکریہ۔انہوں نے شائقین سے معذرت کرتے ہوئے کہا کہ ہم نے اپنی پوری کوشش کی لیکن ٹرافی نہیں جیت سکے۔شاداب خان نے کہا کہ ہم بطور ٹیم بہتر کرنے کی کوشش کریں گے اور مزید مضبوطی سے واپس آئیں گے۔انہوں نے کہا کہ کبھی سپورٹ کرنا مت چھوڑنا، آپ کا یقین ہمیں مضبوط بناتا ہے۔واضح رہے کہ اتوار کے روز ٹی ٹونٹی ورلڈکپ کے فائنل میں انگلینڈ نے پاکستان کو 5وکٹوں سے ہرا کر ورلڈکپ کا ٹائٹل اپنے نام کر لیا۔علاوہ ازیںقومی ٹیم کے آل رانڈر شاداب خان نے ٹی ٹوئنٹی ورلڈکپ کا فائنل نہ جیتنے پر پاکستانی فینز سے معافی مانگ لی۔۔میچ کے بعد قومی ٹیم کے کپتان بابر اعظم، وکٹ کیپر بیٹر محمد رضوان، خوشدل شاہ اور حارث رئوف کی جانب سے سوشل میڈیا پر پیغامات جاری کیے گئے۔شاداب خان نے لکھا کہ تمام پاکستانی فینز کا شکریہ کہ وہ مسلسل ہمیں سپورٹ کرتے رہے، ہم نے اپنا پورا زور لگایا تاہم ٹرافی حاصل نہ کر سکے۔قومی آل رائونڈر نے کہاکہ آپ لوگوں کو مایوس کرنے پر معذرت چاہتا ہوں تاہم ہم ایک ٹیم کی حیثیت سے خود کو بہتر کرنے کی کوشش کریں گے اور اس سے زیادہ مضبوط ہو کر واپس آئیں گے۔شاداب خان نے کہاکہ ہم پر اعتماد کرنا نہ چھوڑیں کیونکہ آپ کا یقین ہی ہمیں مضبوط بناتا ہے۔