نئی دہلی ( این این آئی) بھارتی اسٹار کرکٹر ویرات کوہلی کے حیران کن کیچ پکڑنے پر ان کی اہلیہ اور بالی ووڈ کی پرکشش اداکارہ انوشکا شرما بھی خاموش نہ رہ سکیں۔

بھارتی کرکٹ ٹیم کے سابق کپتان و اسٹار بیٹر ویرات کوہلی نے آسٹریلیا کے خلاف کھیلے گئے ٹی ٹونٹی ورلڈ کپ کے وارم اپ میچ میں ایک ہاتھ سے شاندار کیچ پکڑا تھا، جس کی ویڈیو سوشل میڈیا پر خوب وائرل ہوئی ۔انوشکا شرما نے اپنے انسٹاگرام اکائونٹ پر ویرات کوہلی کے کیچ کی ویڈیو شیئر کی اور لکھا کہ آپ نے ایک ہاتھ سے شاندار کیچ پکڑا ہے۔واضح رہے کہ وارم اپ میچ میں بھارت کی جانب سے دیئے گئے 186 رنز کے ہدف کے تعاقب میں آسٹریلیا کی ٹیم 180 رنز بنا سکی۔اس میچ میں ویرات کوہلی نے اپنی فٹنس کا شاندار مظاہرہ کرتے ہوئے میچ کے 18 ویں اوور میں ٹم ڈیوڈ کو رن آئوٹ کیا جبکہ آخری اوور میں انہوں نے پیٹ کمنس کا بہترین کیچ پکڑا تھا۔