لاہور ( این این آئی) ٹی ٹونٹی ورلڈ کپ میں پاکستان اور بھارت کے میچ سے پہلے ہی دونوں ملکوں کے کرکٹ شائقین کا ٹاکرا شروع ہوگیا۔پاکستان کرکٹ بورڈ نے بابر اسکواڈ میں شامل فاسٹ بولرز کی تصویر سوشل میڈیا پر شیئر کی جو بھارت کے مداحوں کو کچھ خاص پسند نہ آئی۔

پاکستانی فاسٹ بولرز کی تصویر پر تنقید کرنے والے بھارتی اکائونٹس کو پاکستانی صارفین نے بھی بھرپور جواب دیا۔ایک بھارتی خاتون کے اکائوٹ سے پاکستانی بولر کو چھکے لگاتے ہوئے آسٹریلوی بیٹر کی مختصر ویڈیو شیئر کی گئی جبکہ ایک شخص نے لکھا کہ صرف حارث بہترین ہے باقی بولرز رن دیتے ہیں۔ایک اور بھارتی اکائونٹ سے لکھا گیا کہ انگلینڈ نے پاکستان کی بیٹری فیوز کردی تھی۔بھارتی تنقید کا پاکستانیوں نے بھرپور جواب دیا۔ایک شخص نے لکھا کہ انڈیا والوں کی کانپیں ٹانگ رہی ہیں جبکہ دوسرے اکائونٹ سے نظر نہ لگے سے متعلق تصویر شیئر کی گئی۔ٹوئٹر پر ایک اکائونٹ سے لکھا گیا کہ مخالف ٹیموں کے بیٹرز کانپ رہے ہوں گے۔واضح رہے کہ ٹی ٹونٹی ورلڈ کپ کے سپر 12 مرحلے میں پاکستان اور بھارت کا میچ اتوار (23اکتوبر )کو میلبرن میں شیڈول ہے۔