اسلام آباد (مانیٹرنگ ڈیسک) پاکستان واپڈا نے پاکستان آرمی کو یک طرفہ مقابلے میں شکست دے کر اپنے چیمپئن ہونے کے اعزاز کا دفاع کیا۔ اس باسکٹ بال ایونٹ میں واپڈا، آرمی، اسلام آباد، لاہور، راولپنڈی، کراچی، پشاور اور کوئٹہ سمیت 8 ٹیموں نے حصہ لیا۔ پاکستان واپڈا کی کھلاڑیوں نے فائنل میں آرمی کی کھلاڑیوں کو بے بس کر دیا۔ واپڈا کی جانب سے کائنات ظفر اور حجاب فاطمہ نے بہترین کارکردگی کا مظاہرہ کیا اور اس ٹورنامنٹ کی ٹاپ اسکورر رہیں۔ نیشنل باسکٹ بال چیمپیئن شپ برائے خواتین 2022ء پاکستان باسکٹ بال فیڈریشن کے زیراہتمام لیاقت جمنازیم، پاکستان سپورٹس بورڈ اسلام آباد میں ہوا، یہ ٹورنامنٹ تین اکتوبر سے سات اکتوبر تک جاری رہا۔